གངས་རིའི་བུ་ཕྲུག།

ང་ནི་གངས་རིའི་བུ་ཕྲུག།

གངས་དཀར་ལྷུན་པོའི་སེམས་པ།།

ལྷད་མེད་མདའ་དར་དཀར་པོ།།

ཁ་བའི་ལྗོངས་སུ་ཕུལ་ཡོད།།

 

ང་ནི་གདོང་དམར་བོད་པ།།

བྱམས་དང་སྙིང་རྗེའི་རང་བཞིན་།།

བཅོས་མིན་བྱང་ཆུབ་སེམས་པ།།

ལུས་སེམས་གཉིས་སུ་འཐིམ་ཡོད།།

 

ང་ནི་བཙན་པོའི་མི་རྒྱུད།།

དགྲ་བོའི་བཙན་ལ་མི་སྐྲག།

དཔའ་ངར་ཞུམ་མེད་སྙིང་སྟོབས།།

ཤ་རུས་གསེང་དུ་འཐིམ་ཡོད།།

 

ང་ནི་གངས་རིའི་ཕོ་ཉ།། 

གངས་ལྗོངས་མུན་པས་བསྒྲིབས་དུས།།

ལུས་ངག་ཡིད་ཀྱི་རྣམ་དཔྱོད།།

མུན་སེལ་སྒྲོན་མེར་སྦྱིན་ནོ།།

         ཕ་བཟང་བུ་ནས།།